ᐊᑖᑕᒪ ᐅᖃᐅᑎᓚᐅᖅᓯᒪᖕᒪᖓ ᐅᕙᓐᓄᓪᓗᐊᖅ ᐅᖃᖅᑐᓂ, ᑲᑉᐱᐊᓱᓕᓚᐅᖅᑐᖓ ᑭᓯᐊᓂ ᐃᓱᒪᔾᔪᑎᒋᓕᓚᐅᖅᑕᕋ ᐱᔾᔪᑎᒋᓪᓗᒍ ᐅᖃᕐᒪᑦ ᖃᓄᐃᔾᔮᖏᓐᓂᕋᖅᑐᒍ ᖃᖓᑭᐊᖅ. ᐱᔾᔪᑎᒋᓪᓗᒍ ᐅᖃᕈᓂᐅᒃ ᓱᓕᔪᒃᓴᐅᕗᖅ, ᐱᖃᑎᒌᒋᐅᓚᐅᕋᓐᓄᑦ ᓱᓕᔪᒃᓴᐅᓚᐅᖅᐳᖅ. ᐅᖃᕐᒪᑦ ᐱᕕᒃᓴᖃᓐᖏᓐᓂᕋᓂᒃ, ᑭᓱᓂᒃ ᐃᓱᒪᓐᖏᓐᓂᕋᓂᒃ ᑭᓯᐊᓂ ᐃᓕᓐᓂᐊᕐᓂᕐᒥᑦ ᐊᒻᒪᓗ ᖃᐅᔨᒪᓕᖅᐸᓪᓕᐊᓂᕐᒥᑦ ᐊᑖᑕᓐᓂᒃ, ᐱᔾᔪᑎᒋᓗᐊᖅᑐᒋᑦ ᖃᐅᔨᒪᓂᖏᑦ ᐊᒻᒪᓗ ᓯᓚᑐᓂᖓ ᓇᓕᒧᒌᓕᖅᑎᑦᓯᒪᓚᐅᕐᒪᑦ, ᐱᐅᓂᖅᐹᖑᓪᓗᓂᓗ ᐅᕙᓐᓄᑦ. ᑕᐃᒪᓐᓇ ᐃᓕᓚᐅᖅᑐᖓ ᐃᓱᒪᕙᓪᓕᐊᓕᖅᑐᖓ ᓴᓇᓐᖑᐊᕐᓂᕐᒥᑦ ᐱᔾᔪᑎᒋᓪᓗᒍ ᐃᓕᓐᓂᐊᖅᑎᓚᐅᕐᒫᖓ ᓄᓇᐅᑉ ᖃᓄᐃᓐᓂᖓᓂᒃ. ᓄᓇᐃᓪᓗ ᐃᓕᓐᓂᐊᖅᑎᑦᓯᔾᔪᑎᒋᔭᖏᑦ ᐱᒻᒪᕆᐅᓪᓗᑎᒃ ᐊᒥᓱᓄᑦ ᐃᓄᖕᓄᑦ ᒪᒃᑯᒃᑐᓄᑦ. ᐱᒻᒪᕆᐅᖏᓐᓇᕐᒪᑦ ᐱᑐᐊᕆᒐᑦᑎᒍ ᐊᒻᒪᓗ ᖃᐅᔨᒪᓂᕗᑦ. ᐅᓪᓗᐃᑦ ᐃᓚᖓᓐᓂ ᖃᐃᓪᓗᓂ ᐊᒻᒪᓗ ᐃᓱᒪᒋᓕᖅᑐᒍ, ᑎᑎᕋᐅᔭᕋᒪ ᐊᓈᓇᑦᓯᐊᒪ ᑮᓇᖓᓂᒃ ᐊᒻᒪᓗ ᑕᐅᑑᔭᖅᑐᒍ ᐊᓈᓇᑦᓯᐊᕋ ᑎᑎᕋᐅᔭᖅᑐᖅ, ᑕᒪᓐᓇ ᑎᑎᕋᐅᔭᕆᐅᕈᑎᒋᕙᓪᓕᐊᓚᐅᖅᑕᕋ. ᐊᑖᑕᒐ, ᐊᑖᑕᒪ ᐃᓕᓐᓂᐊᖅᑎᑕᖏᑦ ᓄᓇᒦᓐᓂᕐᒥᒃ, ᐃᓱᒪᓕᐅᕈᑎᖃᓕᓚᐅᖅᑐᖓ ᐅᓪᓗᐃᑦ ᐃᓚᖏᓐᓂ, ᐊᔪᕈᓐᓂᕈᒪᓪᓗᖓ ᐊᒻᒪᓗ ᖃᐅᔨᒪᓕᕈᒪᓪᓗᖓ ᖃᖓᐅᓕᖅᒐᐸᑦ ᐃᓕᓐᓂᐊᖅᑎᑦᓯᔾᔪᑎᒃᓴᓂᒃ ᒪᒃᑯᒃᑐᓄᑦ ᐱᔾᔪᑎᒋᓪᓗᒍ ᑕᐃᒪᓐᓇ ᐊᑖᑕᒪ ᐃᓱᒪᓕᖅᑎᓚᐅᕐᒪᖓ, ᖃᑕᓐᖑᑎᖃᕐᓂᖓᓂᒃ ᖃᓄᐃᑦᑐᑐᐃᓐᓇᕐᓂᒃ ᐊᒻᒪᓗ ᐃᑲᔪᖅᐸᒃᑐᓂ ᑭᒃᑯᑐᐃᓐᓇᕐᓂᒃ. ᐃᑲᔪᑐᐃᓐᓇᖏᓪᓗᒋᑦ, ᐸᖅᑭᑦᓯᐊᕐᓗᒋᓪᓗ, ᓇᒡᓕᒋᓗᒋᑦ ᐊᒻᒪᓗ ᐃᓚᓕᐅᑎᓗᒋᑦ. ᐊᒻᒪᓗ ᑕᒪᒃᓇ ᑎᑎᕋᐅᔭᕐᓂᐅᑉ ᐃᓱᒻᒥᖅᑎᓚᐅᖅᑖᖓ ᑕᒪᑐᒥᖓ ᐱᒻᒪᕆᐅᖕᒪᑦ ᓴᖅᑭᓯᒪᖕᒪᑦ. ᐃᓅᓯᕆᒐᑦᑎᒍ ᐊᒻᒪᓗ ᐱᔾᔪᑎᖃᖅᑐᖅ ᐱᐊᕋᐅᓚᐅᖅᓯᒪᒐᒪ, ᑎᑎᕋᐅᔭᕈᓐᓇᕐᓇᖓ, ᐊᔪᕈᓐᓂᖅᓴᖃᑦᑕᖅᑐᖓ ᐃᓂᒐᓂᓕᖅᑐᖓ. ᑕᒪᓐᓇ ᐃᓱᒪᒋᓕᕋᒃᑯ ᖁᕕᐊᓇᓚᐅᖅᑐᖅ, ᐅᕙᓐᓄᑐᐃᓐᓇᐅᖏᑦᑐᖅ, ᐱᒻᒪᕆᐅᖕᒪ ᐃᓄᖕᓄᑦ ᐱᔾᔪᑎᒋᓪᓗᒍ ᐊᔪᕈᓐᓂᕈᓐᓇᖅᑕᕗᑦ ᐊᑐᕈᓐᓴᖅᑕᕗᓪᓗ ᐃᑲᔫᑎᒋᓗᒋᑦ ᐃᓅᖃᑎᑦᑎᓐᓄᑦ. ᐅᕙᓐᓄᑐᐃᓐᓇᐅᖏᑦᑐᖅ, ᐃᒻᒪᖄ ᖃᖓᑭᐊᖅ ᐃᓚᒋᓕᕐᓂᐊᖅᑕᖓ ᖃᑕᓐᖑᑎᒪ. ᐸᓂᒐ, ᐸᓂᑐᐃᓐᓇᕆᓐᖏᑕᕋ, ᐃᓕᓐᓂᐊᖅᑎᑐᐃᓐᓇᐅᖏᑦᑐᓪᓗ, ᒪᒃᑯᒃᑐᓪᓗ. ᒪᒃᑯᒃᑐᑦ ᑎᑎᕋᐅᔭᖅᐸᓪᓕᐊᓕᕈᓐᓇᖅᑐᑦ. ᑎᑎᕋᐅᔭᑐᐃᓐᓇᕐᓂᐅᖏᒻᒪᑦ, ᓄᓇᐃᑦ ᓱᕐᕋᒻᒪᐃᑦᑐᑦ ᐊᒻᒪᓗ ᓱᓇᖃᐅᒻᒪᕆᒃᑐᑎᒃ ᐊᒻᒪᓗ ᐊᒃᓱᕈᕐᓇᖅᑐᓂ, ᓴᐃᒻᒪᕐᓇᖅᑐᓂᓗ. ᓴᓗᒪᑦᓯᐊᖅᑐᓂ, ᐊᒻᒪᓗ ᑕᕆᐅᖅ ᐃᒪᖓ. ᐳᐃᔩᑦ, ᓄᓇᑐᐃᓐᓇᐅᔮᖅᑐᖅ ᑭᓯᐊᓂ ᐃᒪᖅᑕᓕᒃ. ᐊᔾᔨᒋᓐᖏᒻᒪᕆᒃᑕᖓ, ᐅᕙᓐᓄᑐᐃᓐᓇᖅ, ᑕᑯᔭᕋᓂ ᑕᐃᒫᑦᓴᐃᓐᓇᖅ ᑕᑯᔭᒃᑲ ᐆᒪᔪᐃᑦ, ᑕᐅᑐᒃᑲᕕᒋᑦ. ᓲᕐᓗ ᐃᓄᒃᑎᑑᕐᒪᑕ, ᓱᑲᓐᓂᖅᓴᐅᑐᐃᓐᓇᖅᑐᑦ ᐊᒻᒪᓗ ᐃᓄᒃᑎᑐᑦ ᓂᕆᕙᒃᑐᑎᒃ. ᑐᓴᖃᑦᑕᐅᑎᓕᕆᓂᖅ, ᐃᑲᔪᖅᑎᒌᖕᓂᖅ ᑐᓴᕈᒥᓇᓚᐅᖅᑐᖅ. ᑕᒪᓐᓇ ᑎᑎᖅᑐᒐᕐᓂᖅ ᓴᒃᑯᒍᓐᓇᐃᓪᓕᓚᐅᕋᒃᑯ. ᑎᑎᖅᑐᒐᖅᑎᐅᔪᖓ ᐃᓕᓚᐅᕋᒪ ᐊᓈᓇᒐᓂᒃ, ᐊᓈᓇᑦᓯᐊᕋᓂᓪᓗ ᒪᒃᑯᒃᑐᒻᒪᕆᐅᓪᓗᖓ. ᑎᑎᕋᐅᔭᖅᑎᓂ ᐃᓕᓐᓂᐊᕐᕕᖕᒥ ᑎᑎᕋᐅᔭᒃᑲᐅᓂᖅᐹᖑᓚᐅᖅᑐᖓ ᐊᒻᒪᓗ ᐊᓯᖏᓐᓂᒃ ᐊᔪᓐᖏᕈᓗᔭᖅᑐᖓ ᐱᔾᔪᑎᒋᓪᓗᒋᑦ ᑕᒪᒃᑯᐊ ᐃᖅᑲᐅᒪᓪᓗᒋᑦ ᓇᓕᒧᒌᒌᐊᓖᑦ, ᓱᑲᓐᓂᖏᑦ ᐊᒻᒪᓗ ᐱᔾᔪᑎᒋᓪᓗᒍ ᐃᓱᒪᓂᖅ, ᐃᓱᒪᕕᕗᑦ ᐊᖏᔪᐊᓗᖕᒥᒃ ᐃᓗᓕᖃᕈᓐᓇᕐᒪᑦ, ᑕᒪᓐᓇ ᐃᓕᓐᓂᐊᕐᕕᖕᒥ ᑕᑯᓚᐅᖅᑕᕋ. ᑕᒪᓐᓇ ᖁᕕᐊᒋᓗᐊᓚᐅᕋᒃᑯ, ᐃᓅᓯᒃᓴᑐᐊᖑᓱᕆᓪᓗᒍ ᑕᒫᓂ ᓄᓇᕐᔪᐊᒥ. ᑕᒪᓐᓇ ᐱᕕᒃᓴᑐᐊᕆᒐᑦᑎᒍ, ᓇᓕᒧᒌᒃᑐᐃᓐᓇᐅᒃᐸᑕ ᐊᔾᔨᒋᒐᔭᓐᖏᑕᖓ, ᐊᔪᕈᓐᓂᑐᐊᕌᖓᕕᑦ ᐊᔪᕈᓐᓂᖅᓴᕙᒡᓗᑎᑦ, ᖃᓄᐃᓕᐅᕈᓗᔭᕐᓗᑎᑦ ᐊᔪᕈᓐᓂᖅᓴᓗᑎᒃ ᖃᓄᑐᐃᓐᓇᖅ, ᑕᒪᓐᓇ ᐊᑑᑎᖃᕐᒪᑦ ᖁᕕᐊᓇᕈᑎᒋᓪᓗᓂᐅᒃ. ᑕᐃᒪᓐᓇ ᑎᑎᕋᐅᔭᕆᐊᓚᐅᖅᓯᒪᔪᖓ ᐊᒻᒪᓗ ᑕᐅᒃᑐᖏᑦ ᑕᑯᒥᓇᖅᑐᑯᓗᓪᓗᑎᒃ.