ᐄ, ᑎᒥᐅᑉ ᐅᖃᐅᓯᖓ, ᖁᕕᐊᓇᖃᑦᑕᓚᐅᕐᒥᔪᖅ ᐊᒻᒪᓗ ᖃᐅᔨᒪᔭᒥᓂᒃ ᐃᓕᓐᓂᐊᖅᑎᓚᐅᖅᑖᖓ. ᐆᒪᔪᐃᑦ ᑕᐅᑐᒍᓐᓇᕐᓂᖏᑦ ᓱᑲᑦᑑᒍᑎᒋᖕᒪᒋᑦ. ᓯᕗᓪᓕᖅᐹᒥ ᓇᐃᖃᑦᑕᕋᒥᒃ. ᑕᑯᒍᓐᓇᖏᒃᑲᓗᐊᕈᑎᒃ, ᕿᖓᖏᑦ ᑕᑯᔪᓐᓇᖅᑐᑦ. ᑎᐱᖃᑐᐊᖅᐸᑦ ᒪᓕᓕᕐᓂᐊᖅᑐᑦ ᓇᒧᓐᖓᐅᒐᓗᐊᕈᕕᑦ. ᓇᐃᒪᒍᓐᓇᖏᒃᑯᓂᑎᑦ, ᑕᐅᑐᖕᓂᐊᖅᑐᑦ ᐃᔨᒥᓄᑦ ᐊᒻᒪᓗ ᒪᓕᒍᓐᓇᖅᑐᑦ ᓇᒧᓕᒫᖅ, ᓯᓚᒥᐅᑕᐅᒐᒥᒃ. ᑭᓱᑐᐃᓐᓇᖅ ᐆᒪᔪᖅ ᓄᓇᒥ ᖃᓄᐃᑦᑐᑐᐃᓐᓇᐅᖕᒪᑕ ᐊᒻᒪᓗ ᓱᑲᓐᓂᖏᓐᓄᑦ ᐃᓴᕈᖏᑦ, ᓱᑲᓐᓂᕆᔪᓐᓇᖅᑕᖓ ᐅᖁᒪᐃᓐᓂᐅᑉ, ᓱᑲᓐᓂᐅᑉ ᓇᓕᒧᒋᔪᓐᓇᖅᑕᖓ ᖃᓄᑐᐃᓐᓇᖅ. ᑕᒪᒃᑯᐊᑎᒍᑦ ᐊᔾᔨᒌᓐᖏᑦᑐᑦ ᑲᑎᓯᒪᓂᖏᑎᒍᑦ ᐊᒻᒪᓗ ᑕᒪᒃᑯᓕᒫᖅ ᐱᔾᔪᑎᖃᖅᑐᑦ ᓂᐱᖃᓐᖏᓐᓂᕐᒥᑦ. ᐱᒻᒪᕆᐅᓂᖅᐹᖑᖃᑕᐅᔪᖅ ᓂᐱᖃᓐᖏᑦᓯᐊᕐᓂᖅ. ᐱᒻᒪᕆᐊᓗᓚᐅᖅᑐᖅ ᐊᑖᑕᒐᓄᑦ, ᐅᕙᓐᓄᓪᓗ ᐱᔾᔪᑎᒋᓪᓗᒍ ᖃᐅᔨᒪᓇᓐᖏᒻᒪᑦ ᓇᓄᖅᑕᖃᕐᒪᖔᑦ, ᐊᕙᓐᖔᓗᒃ ᐃᓕᖕᓂᑦ ᓇᐃᒍᓐᓇᕐᒪᑦ ᐅᖓᓯᒃᑐᒻᒪᕆᐊᓗᖕᒥᑦ. ᐊᒻᒪᓗ ᐊᓄᕆᒧᑦ ᑎᒃᑕᐅᕙᒃᓱᑎᒃ ᐱᖓᖕᓇᕐᒥᑦ, ᓂᒋᕐᒧᑦ.