ᐃᓄᐃᑦ ᐅᓄᕐᓂᖏᑦ ᑕᒫᓂᑐᐃᓐᓇᓚᐅᖅᑐᑦ 300. ᒥᑦᑕᕐᕕᖃᓚᐅᓐᖏᑦᑐᒍᑦ, ᐅᐸᒃᑕᐅᓚᐅᖅᓯᒪᖃᑦᑕᕋᑕ ᑕᖅᑭᒐᓴᖕᓂᑦ ᐊᕐᕌᒍᒥ. ᐊᐅᔭᒃᑯᑦ ᖃᖓᑕᔫᑦ ᐃᒫᓄᑦ ᒥᖃᑦᑕᓚᐅᖅᑐᑦ, ᐊᒻᒪᓗ ᐅᑭᐅᒃᑯᑦ ᒥᖃᑦᑕᖅᑐᑎᒃ ᓯᑯᒧᑦ. ᓯᑯ ᖁᐊᖅᐸᓪᓕᐊᑎᓪᓗᒍ ᒥᒍᓐᓇᖃᑦᑕᓚᐅᓐᖏᑦᑐᑦ. ᐊᒻᒪᓗ ᐊᖏᕐᕋᑦᑎᓐᓂᒥᐅᖑᐃᓐᓇᓚᐅᕋᒪ ᐊᒻᒪᓗ ᑕᒫᓐᖔᐃᓐᓇᐅᔮᖅᑐᖅ ᓄᓕᐊᖃᓕᖅᑐᖓ, ᑎᑭᓴᐃᒋᐊᖃᓕᖅᑐᖓᓗ ᓂᕿᓂᒃ ᐊᕐᕌᒍᒧᑦ ᓈᒻᒪᒃᑐᓂᒃ. ᑕᒪᓐᓇ ᑕᐸᕐᓇᓚᐅᖅᓯᒪᔪᖅ. ᑭᓯᐊᓂ ᒐᕙᒪᒃᑯᑦ ᓂᕿᖃᖅᑎᑦᓯᖃᑦᑕᓚᐅᖅᓯᒪᖕᒪᑕ ᓂᐅᕕᕈᓐᓇᖅᑕᕐᓂᒃ, ᓇᓗᓇᐃᒃᑯᑕᖃᖃᑦᑕᓚᐅᖅᑐᑦ ᑎᑭᓵᕆᔭᐅᔪᓐᓇᖅᑐᑦ A, B ᐊᒻᒪᓗ C. ᑖᒃᑯᐊ A ᖁᑦᓯᖕᓂᖅᐹᖑᕙᓚᐅᖅᑐᑦ ᖃᓄᐃᑦᑐᑐᐃᓐᓇᓂᒃ ᐃᓗᓕᖃᖅᑐᑎᒃ, ᖃᑦᑖᕐᔪᖕᓂᓗ ᓰᕐᓇᖅᑐᖃᐅᖅᑐᑎᒃ ᐊᒻᒪᓗ ᐊᑦᑖᕐᔪᖕᓂᑦᑐᒥᒃ ᓴᑐᕉᒻ ᐊᒻᒪᓗ ᑭᓱᑐᐃᓐᓇᐃᑦ. ᑭᓯᐊᓂ ᑖᒃᑯᐊ 6 ᖃᑦᑖᕐᔪᐃᑦ ᒪᓱᕉᒻ ᐱᐊᓂᖃᑦᑕᓚᐅᖅᑕᒃᑲ ᐱᓇᓱᐊᕈᓯᕐᒥ ᓯᕗᓪᓕᖅᐹᒥ. ᐱᑕᖃᖃᑦᑕᓚᐅᕐᒥᔪᖅ ᓰᕐᓇᖅᑐᓂᒃ ᐱᕈᖅᑐᕕᓂᕐᓂᓪᓗ. ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑕᐅᖏᒃᑲᓗᐊᖅᑐᑕ ᓂᕿᓄᑦ, ᑎᑭᓴᐃᔪᓐᓇᖃᑦᑕᓚᐅᖅᑐᑦ ᐱᕈᖅᑐᕕᓂᕐᓂᒃ ᑭᓯᐊᓂ ᐃᓛᓐᓂᒃᑯᑦ ᖁᐊᖅᑐᕕᓂᐅᖃᑦᑕᓚᐅᖅᑐᑦ ᑕᒪᐅᓐᖓᖅᐸᓪᓕᐊᓪᓗᑎᒃ ᐅᑭᐅᒃᑯᑦ. ᑭᓯᐊᓂ ᑕᒪᒃᑯᐊ ᐊᔪᕐᓇᓗᐊᒧᑦ ᐊᓐᓂᓇᖃᑦᑕᓚᐅᖅᑐᑦ, ᐊᐅᒃᓯᐊᕆᑐᐃᓐᓇᖅᑐᒋᑦ ᐸᐅᓐᖓᐸᐅᔭᐃᑦ ᓂᕆᖃᑦᑕᓚᐅᖅᑕᒃᑲ. ᖁᐊᕐᒥᓪᓗᓐᓂᑦ ᐅᑲᓖᑦ ᓂᕿᒃᓴᔭᖏᓐᓂᒃ ᓕᑎᔅ ᐊᒻᒪᓗ ᐊᐅᒃᓯᐊᕆᓪᓗᒋᑦ, ᐊᐅᒃᓯᐊᕆᓪᓗᒋᓪᓗ ᐃᒻᒧᐃᑦ. ᑭᓐᖒᒪᓇᖃᑦᑕᓚᐅᖅᑐᑦ ᖃᖅᑯᖅᓯᓪᓗᓂ ᓂᐱᖏᑦ ᓕᑎᔅ ᐊᒻᒪᓗ ᑭᐅᕆᑦ ᐊᔾᔨᒋᓐᖏᒻᒪᕆᖕᒪᒍ ᖁᐊᖑᑎᓪᓗᒋᑦ. ᐄ, ᑕᐸᐃᕐᓇᖃᑦᑕᓚᐅᖅᑐᖅ. ᐊᒻᒪᓗ ᐊᐃᐹ, ᑎᑭᓴᐃᒍᕕᑦ ᓱᓇᒥᒃ, ᐃᖅᑲᐅᒪᔪᖓ ᑎᑭᓴᐃᓚᐅᖅᓯᒪᒐᒪ ᐱᕈᖅᑐᕕᓂᕐᓂᒃ ᓰᕐᓇᖅᑐᓂᒃ ᑲᑎᖅᓱᖅᓯᒪᔪᓂᒃ ᐊᒻᒪᓗ ᒪᒪᒻᒪᕆᓚᐅᖅᓯᒪᔪᖅ. ᑭᖑᓪᓕᕐ ᐊᕐᕌᒎᓕᖅᑎᓪᓗᒍ ᐃᑦᑎᕐᕕᐅᓪᓗᒍ ᑎᑭᓴᐃᓕᓚᐅᖅᓯᒪᔪᒍᑦ ᐱᕈᖅᑐᕕᓂᕐᓂᒃ ᖃᑦᑖᕐᔪᖕᓂ. ᐊᕆᐅᑦᓯᐊᓚᐅᖅᓯᒪᔭᕗᑦ, ᑕᐅᖅᓰᒍᑎᒋᕙᓕᖅᑐᒋᑦ ᐊᓯᖏᓐᓄᑦ ᓂᕿᓄᑦ ᐊᓯᑦᑕ ᐱᓯᒪᔭᖏᓐᓄᑦ.